El PP asegura que los "retayos" ponen en "peligru" el serviciu de Correos n'Asturies

La formación va llevar a Conceyos, la Xunta Xeneral y al Senáu "l'esmantelamientu" del serviciu

El PP alvirtió esti vienres de que'l serviciu de Correos n'Asturies ta en "peligru" polos retayos de personal y la "mala xestión" de los últimos años, con zones onde "pasen selmanes ensin recibir" el serviciu postal.

Nuna rueda de prensa del senador popular Juan Manuel Rodríguez 'Lito' y la diputada na Xunta Xeneral Cristina Vega, criticaron la situación "inalmitible y insostenible" de Correos nel Principáu, onde esiste una "sobrecarga y una precarización" del trabayu y "nun se reparten les cartes en tiempu nin en forma", denunciaron.

Como "exemplu de la realidá" del serviciu postal, señalaron qu'en Mieres hai diez carteros, de los que tres tán de baxa y otros tres de vacaciones, y qu'a la plantiya actual fálta-y "un cuartu o un quintu" de lo qu'había fai unos años.

'Lito', quien avanzó que-y va preguntar al ministru de Tresportes, Óscar Puente, nel Senáu sobro la situación de Correos n'Asturies.